Ómstríðir tónar

Salbjörg Hotz

Salbjörg Sveinsdóttir Hotz hefur teiknað skopteikningar allt frá bernskuárum. Hún hlaut tónlistarmenntun á Ísafirði, í Reykjavík og síðan í Vínarborg þar sem hún stundaði jafnframt myndlistarnámskeið í skopteikningu. Hún hefur verið sjálfstætt starfandi á sviði tónlistarflutnings, tónsmíða og skopteikninga um áraskeið í Sviss. Úrval af tónverkum hennar hefur verið gefið út á hljóðritum og fjölmargar teikningar eftir hana hafa birst í blöðum, bókum og bæklingum. Auk þess hafa margar skopteikningar hennar verið sýndar á myndlistarsýningum í ýmsum löndum.